| | ᠡᠷᠳᠡ ᠲᠡᠭᠡᠷᠠ ᠦᠶᠠ ᠠᠴᠠ ᠮᠤᠩᠭᠤᠯᠴᠤᠳ ᠬᠤᠨᠢ ᠦᠬᠡᠷ ᠤᠨ ᠴᠢᠮᠦᠬᠡᠨ ᠲᠤᠰᠤ ᠶᠢ ᠤᠯᠠᠨ ᠠᠷᠭᠠ ᠪᠠᠷ | ᠢᠯᠭᠠᠷᠠᠭᠤᠯᠤᠨ ᠭᠠᠷᠭᠠᠵᠦ ᠬᠡᠢ ᠶᠠᠳᠠᠷᠠᠭᠠ᠂ ᠠᠯᠵᠢᠶᠠᠯ ᠲᠠᠶᠢᠯᠬᠤ᠂ ᠲᠠᠷᠬᠠᠯᠠᠭᠠ ᠰᠡᠷᠬᠦᠬᠡᠬᠦ ᠵᠤᠷᠢᠯᠭᠠ ᠪᠠᠷ | ᠬᠡᠷᠡᠭᠯᠡᠳᠡᠭ ᠪᠠᠶᠢᠬᠰᠠᠨ ᠶᠤᠮ᠃ ᠤᠳᠤ ᠴᠤ ᠬᠡᠰᠡᠨ ᠵᠠᠷᠢᠮ ᠨᠠᠰᠤᠳᠠᠶᠢᠴᠤᠳ ᠴᠢᠮᠦᠬᠡᠨ ᠶᠠᠰᠤ ᠪᠠᠨ ᠴᠡᠢ ᠳᠠᠭᠠᠨ | ᠴᠢᠨᠠᠵᠦ ᠤᠤᠭᠤᠵᠦ ᠪᠤᠢ᠃ ︽ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠦᠷᠪᠡᠨ ᠶᠡᠷᠦᠨᠳᠡᠭ ᠤᠨ ᠬᠤᠷᠢᠶᠠᠩᠭᠤᠢ︾ ᠳᠤ᠂ ᠦᠬᠡᠷ | ᠬᠤᠨᠢᠨ ᠤ ᠴᠢᠮᠦᠬᠡ ᠨᠢ ᠠᠮᠳᠠᠯᠢᠭ᠂ ᠪᠦᠯᠢᠶᠠᠨ ᠴᠢᠨᠠᠷ ᠲᠠᠢ ᠪᠠᠶᠢᠵᠦ᠂ ᠪᠦᠬᠡᠷᠠ ᠶᠢ ᠲᠦᠯᠵᠢᠬᠦᠯᠵᠦ᠂ ᠴᠢᠮᠦᠬᠡ ᠶᠢ | ᠨᠦᠬᠦᠨᠠ ᠬᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠠ ᠶᠤᠮ᠃ ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠮᠤᠩᠭᠤᠯ ᠡᠮᠨᠡᠯᠬᠡ ᠶᠢᠨ ᠬᠤᠷᠢᠶᠠᠨ ᠤ ᠡᠮᠴᠢ | ᠮᠦ ᠯᠠᠨ᠄ ︽ᠴᠢᠮᠦᠬᠡᠨ ᠲᠤᠰᠤᠨ ᠳᠤ ᠮᠤᠩᠭᠤᠯ ᠬᠦᠮᠥᠨ ᠤ ᠪᠡᠶᠠ ᠮᠠᠬᠠᠪᠤᠳ ᠲᠤ ᠲᠤᠬᠢᠷᠠᠬᠤ ᠺᠠᠯᠼ᠂ ᠲᠡᠮᠤᠷ᠂ | ᠡᠷᠦᠳᠠᠰᠤ ᠪᠤᠳᠠᠰ᠂ ᠰᠢᠮᠠ ᠲᠡᠵᠢᠬᠡᠯ ᠶᠡᠭᠡ ᠬᠡᠮᠵᠢᠶᠠ ᠪᠠᠷ ᠠᠭᠤᠯᠵᠦ ᠪᠠᠶᠢᠳᠠᠭ ᠢ ᠡᠷᠳᠡᠮᠳᠡᠳ ᠨᠢᠬᠡᠨᠳᠠ ᠨᠤᠳᠠᠯᠠᠬᠰᠠᠨ | ᠶᠤᠮ᠃ ᠮᠤᠩᠭᠤᠯᠴᠤᠳ ᠮᠠᠯ ᠤᠨ ᠲᠠᠷᠭᠤ ᠬᠦᠴᠦ ᠰᠠᠶᠢᠨ᠂ ᠲᠦᠬᠦᠷᠠᠩ ᠴᠢᠮᠦᠬᠡ ᠲᠠᠢ ᠦᠶᠠ ᠶᠢᠨ ᠴᠢᠮᠦᠬᠡ ᠶᠢ | ᠬᠤᠭᠤᠯᠤᠨ ᠵᠦᠬᠡᠯᠡᠨ ᠭᠠᠯ ᠲᠡᠭᠡᠷᠠ ᠤᠳᠠᠭᠠᠨ ᠴᠢᠨᠠᠵᠦ᠂ ᠴᠢᠮᠦᠬᠡᠨ ᠲᠤᠰᠤ ᠶᠢ ᠨᠢ ᠢᠯᠭᠠᠷᠠᠭᠤᠯᠤᠨ ᠠᠪᠳᠠᠭ᠃ | ᠪᠠᠰᠠ ᠬᠤᠨᠢᠨ ᠤ ᠴᠢᠮᠦᠬᠡ ᠶᠢ ᠬᠤᠭᠤᠯᠵᠦ ᠴᠠᠢ ᠳᠠᠭᠠᠨ ᠬᠢᠵᠦ ᠪᠤᠴᠠᠯᠭᠠᠵᠦ ᠪᠤᠯᠤᠨᠠ᠃ ᠡᠶᠢᠮᠤ ᠴᠡᠢ ᠶᠢ ᠶᠠᠳᠠᠷᠠᠭᠠ | ᠲᠠᠶᠢᠯᠬᠤ ᠴᠠᠢ ᠬᠡᠳᠡᠭ᠃ ᠪᠦᠬᠡᠷᠡᠨ ᠤ ᠬᠦᠢᠳᠡᠨ ᠬᠡᠢ᠂ ᠬᠦᠷᠦᠩᠬᠡ ᠪᠠᠷᠠᠬᠳᠠᠬᠰᠠᠨ᠂ ᠨᠠᠰᠤᠳᠠᠶᠢᠴᠤᠳ ᠤᠨ ᠶᠠᠰᠤ | ᠰᠠᠶᠢᠷᠡᠭᠵᠢᠭᠰᠡᠨ᠂ ᠰᠢᠮᠠ ᠲᠡᠵᠢᠬᠡᠯ ᠲᠤᠳᠠᠬᠳᠠᠬᠰᠠᠳ᠂ ᠲᠠᠮᠢᠷ ᠲᠡᠩᠬᠡᠬᠡ ᠲᠤᠷᠤᠢ᠂ ᠦᠶᠠ ᠬᠡᠰᠢᠬᠦᠦ ᠶᠢᠨ ᠠᠷᠬᠠᠭ᠂ | ᠨᠦᠢᠷ ᠬᠤᠯᠵᠢᠬᠤ ᠵᠡᠷᠬᠡ ᠭᠠᠳᠠᠷ ᠲᠤᠳᠤᠷ ᠬᠡᠢ ᠡᠪᠡᠳᠴᠢᠨ ᠪᠤᠯᠭᠠᠨ ᠳᠤ ᠲᠤᠰᠠᠯᠠᠨᠠ᠃ ᠮᠦᠨ ᠴᠤ | ᠡᠮᠡᠭᠳᠡᠶᠢᠴᠤᠳ ᠤᠨ ᠵᠢᠰᠤ ᠴᠢᠷᠡᠢ ᠶᠢ ᠭᠤᠸᠠᠯᠢᠬᠵᠢᠭᠤᠯᠬᠤ ᠮᠠᠰᠢ ᠰᠠᠶᠢᠨ ᠦᠢᠯᠡᠳᠦᠯ ᠲᠠᠢ︾ ᠬᠡᠪᠡ᠃ | ᠴᠢᠮᠦᠬᠡᠨ ᠲᠤᠰᠤ ᠶᠢ ᠢᠯᠭᠠᠷᠠᠭᠤᠯᠵᠦ ᠠᠪᠬᠤ ᠳᠤ ᠬᠡᠳᠤ ᠶᠡᠭᠡ ᠮᠢᠬᠠ ᠲᠠᠢ ᠨᠢ ᠴᠢᠨᠠᠪᠠᠯ ᠴᠢᠮᠦᠬᠡᠨ ᠤ ᠵᠢᠩᠬᠢᠨᠢ | ᠡᠷᠦᠳᠡᠰᠤ ᠪᠤᠳᠠᠰ ᠮᠢᠬᠠᠨ ᠤ ᠴᠢᠨᠠᠷ ᠲᠤ ᠲᠠᠷᠤᠬᠳᠠᠳᠠᠭ᠃ ᠡᠶᠢᠮᠤ ᠠᠴᠠ ᠰᠤᠩᠭᠤᠬᠰᠠᠨ ᠴᠢᠮᠦᠬᠡᠨ ᠶᠠᠰᠤ ᠪᠠᠨ | ᠰᠠᠶᠢᠳᠤᠷ ᠱᠤᠯᠤᠭᠠᠳ ᠵᠦᠬᠡᠯᠡᠨ ᠭᠠᠯ ᠲᠡᠭᠡᠷᠠ 5 ᠠᠴᠠ 10 ᠴᠠᠭ ᠴᠢᠨᠠᠵᠦ᠂ ᠱᠦᠯᠥᠨ ᠲᠡᠭᠡᠷᠠ ᠬᠦᠪᠪᠦᠭᠰᠡᠨ | ᠲᠤᠰᠤ ᠶᠢ ᠨᠢ ᠬᠠᠮᠤᠵᠦ ᠠᠪᠤᠨᠠ᠃ ᠢᠡᠭᠬᠢᠵᠦ ᠢᠯᠭᠠᠷᠠᠭᠤᠯᠵᠦ ᠠᠪᠤᠬᠰᠠᠨ ᠴᠢᠮᠦᠬᠡᠨ ᠲᠤᠰᠤ ᠪᠠᠨ ᠬᠦᠯᠳᠡᠬᠡᠵᠦ᠂ | ᠡᠳᠦᠷ ᠲᠤᠳᠤᠮ ᠤᠨ ᠬᠤᠭᠤᠯᠠ ᠴᠡᠢ ᠳᠠᠭᠠᠨ ᠬᠢᠬᠦ ᠪᠤᠶᠤ ᠭᠤᠯᠢᠷ ᠵᠢᠭᠤᠷᠠᠵᠦ ᠢᠳᠡᠬᠦ ᠳᠤ ᠮᠠᠰᠢ ᠰᠢᠮᠠ ᠲᠠᠢ | ᠪᠠᠶᠢᠳᠠᠭ᠃ ᠲᠠᠷᠠᠴᠢᠯᠠᠨ ᠨᠢᠷᠡᠢ ᠬᠡᠤᠬᠡᠳ ᠤᠨ ᠬᠤᠭᠤᠯᠠ ᠪᠤᠶᠤ ᠪᠡᠶᠠ ᠶᠢ ᠨᠢ ᠤᠬᠢᠶᠠᠬᠤ ᠳᠤ ᠪᠠᠭᠠ ᠬᠡᠰᠡᠭ ᠬᠢᠵᠦ | ᠬᠡᠷᠡᠭᠯᠡᠪᠡᠯ ᠬᠠᠨᠢᠶᠠᠳᠤ ᠬᠠᠳᠬᠤᠭᠠ ᠲᠤᠰᠬᠤ ᠦᠬᠡᠢ᠂ ᠲᠠᠷᠬᠠᠯᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠳᠠᠭ ᠬᠡᠵᠦ ᠨᠠᠰᠤᠳᠠᠶᠢᠴᠤᠳ | ᠶᠠᠷᠢᠳᠠᠭ᠃ | ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠤᠨᠤᠯ ᠳᠤ ᠴᠢᠮᠦᠬᠡ ᠪᠤᠯ ᠲᠤᠩᠭᠠᠯᠠᠭ ᠴᠦᠪ ᠤᠨ | ᠢᠯᠭᠠᠷᠠᠭᠤᠯᠤᠯᠳᠠ ᠶᠢᠨ ᠵᠢᠷᠭᠤᠳᠤᠭᠠᠷ ᠲᠠᠮᠢᠷ ᠪᠠᠶᠢᠵᠦ᠂ ᠶᠠᠰᠤᠨ ᠠᠴᠠ ᠲᠦᠯᠵᠢᠵᠦ ᠲᠤᠰᠤᠯ ᠢ ᠲᠦᠯᠵᠢᠬᠦᠯᠦᠨᠠ᠃ | ᠲᠤᠰᠤᠯ ᠨᠢ ᠤᠬᠢ ᠰᠢᠮᠠ ᠶᠢ ᠲᠦᠯᠵᠢᠬᠦᠯᠵᠦ᠂ ᠵᠢᠷᠤᠬᠡᠨ ᠳᠤ ᠬᠦᠶᠦᠬᠦ᠂ ᠦᠡᠭᠬᠡᠵᠢᠯ ᠤᠨ ᠲᠠᠮᠢᠷ ᠪᠤᠯᠤᠨᠠ᠃ | ᠬᠦᠮᠥᠨ ᠤ ᠴᠤᠭ ᠵᠢᠪᠬᠤᠭᠠ ᠬᠡᠶᠢᠮᠦᠷᠢ ᠰᠦᠯᠳᠠ ᠦᠡᠭᠬᠡᠵᠢᠯ ᠤᠨ ᠲᠠᠮᠢᠷ ᠠᠴᠠ ᠢᠷᠠᠨᠠ ᠬᠡᠵᠦ ᠪᠤᠢ᠃ ᠴᠢᠮᠦᠬᠡᠨ | ᠲᠤᠰᠤ ᠨᠢ ᠬᠦᠮᠥᠨ ᠤ ᠬᠡᠢ ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠵᠦ᠂ ᠲᠠᠮᠢᠷ ᠲᠡᠩᠬᠡᠬᠡ ᠤᠷᠤᠭᠤᠯᠬᠤ ᠠᠴᠠ ᠭᠠᠳᠠᠨᠠ ᠦᠶᠠ ᠮᠦᠴᠢ | ᠂ ᠬᠠᠭᠤᠴᠢᠨ ᠡᠪᠡᠳᠴᠢᠨ ᠢ ᠠᠨᠠᠭᠠᠬᠤ᠂ ᠬᠠᠨᠢᠶᠠᠳᠤ ᠲᠤᠮᠤᠭᠤ ᠶᠢ ᠲᠠᠷᠤᠵᠦ᠂ ᠡᠷᠴᠢ ᠬᠦᠴᠦ ᠪᠠᠷ ᠲᠡᠳᠬᠦᠳᠡᠭ | ᠭᠠᠶᠢᠬᠠᠯᠳᠡᠢ ᠠᠴᠢ ᠲᠤᠰᠠ ᠲᠠᠢ ᠪᠠᠶᠢᠳᠠᠭ᠃ | ᠬᠡᠪᠡᠴᠤ ᠴᠢᠮᠦᠬᠡᠨ ᠲᠤᠰᠤ ᠶᠢ ᠬᠡᠷᠡᠭᠯᠡᠬᠦ ᠳᠤ ᠵᠠᠷᠢᠮ ᠬᠦᠮᠦᠰ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ᠴᠢᠮᠦᠬᠡᠨ ᠲᠤᠰᠤ ᠶᠢ | ᠡᠮ ᠤᠨ ᠬᠦᠯᠬᠡ ᠪᠤᠯᠭᠠᠵᠦ ᠢᠳᠡᠬᠦ ᠪᠤᠶᠤ ᠡ᠊ᠡᠭ ᠤᠨ ᠮᠤᠩᠭᠤᠯ ᠢᠳᠡᠬᠡᠨ ᠤᠮᠳᠠᠭᠠᠨ ᠲᠤᠮᠳᠠ ᠪᠠᠶᠢᠡᠭᠭᠤ ᠬᠡᠷᠡᠭᠯᠡᠵᠦ | ᠪᠤᠯᠤᠨᠠ᠃ ᠬᠡᠪᠡᠴᠤ ᠵᠠᠯᠠᠭᠤ ᠢᠳᠡᠷᠴᠤᠳ ᠪᠤᠶᠤ ᠴᠢᠰᠦᠨ ᠬᠠᠯᠠᠭᠤᠨ ᠲᠠᠶᠢᠯᠦᠩᠬᠦᠢ ᠬᠦᠮᠦᠰ᠂ ᠨᠢᠶᠠᠨ ᠬᠢᠵᠢᠭ ᠲᠤ | ᠨᠡᠷᠪᠡᠭᠳᠡᠭᠰᠡᠳ᠂ ᠬᠠᠯᠠᠭᠤᠷᠠᠵᠦ ᠪᠠᠶᠢᠭᠠ ᠡᠪᠡᠳᠴᠢᠳᠠᠨ᠂ ᠰᠢᠩᠬᠡᠬᠡᠯᠳᠠ ᠲᠤᠷᠦ᠋ᠢᠳᠠᠬᠰᠠᠳ ᠦᠷᠬᠦᠯᠵᠢ ᠶᠢᠨ ᠴᠢᠨᠠᠷᠳᠡᠢ | ᠢᠳᠡᠬᠦ ᠶᠢ ᠴᠡᠬᠡᠷᠯᠡᠬᠦ ᠬᠡᠷᠡᠭᠳᠡᠢ᠃ | | | ᠢᠷᠡᠯᠲᠡ᠄ ᠤᠷᠳᠤᠰ ᠮᠤᠩᠭᠤᠯ ᠰᠦᠯᠵᠢᠶᠠ | ᠪᠡᠯᠡᠳᠬᠡᠭᠰᠡᠨ ᠨᠢ᠄ ᠰᠣᠷᠭᠤᠭ | | | | | | |